眼睛係靈魂之窗，尤其是而家日日都要戴口罩，真係得對眼可以見到人，咁就梗係要無時無刻都確保對眼Bling Bling有神，先至令到其他人留下好印象啦！如果對眼眼袋又大、黑眼圈又深、又多眼紋，一睇成個樣都係烏眉恰睡咁，就算著到有幾靚、個妝化到幾好，人地都唔會覺得你有精神啦~
身邊有好多朋友因為返工好忙，成日通頂之餘又經常食外賣，佢地間唔中都會問我有咩方法可以keep到對眼咁有精神，話我一啲都唔似夜瞓+外食一族……其實要有對靚眼，只要用啱方法，就一啲都唔難！
我講緊嘅就係去美容院做眼部美容療程，一直以嚟我都有keep住去美容院做facial，特別係戴口罩之後，我就更加著重對眼嘅treatment，見到有新或者有promotion嘅眼部treatment，如果睇啱嘅話都會去試試~
今日就同大家分享吓我幾鐘意嘅2款眼部treatment，都係我親身去試過，而且都值得推介嘅~有興趣嘅朋友就繼續睇落去啦！
去眼袋療程推薦一：Perfect Medical i-Genius 眼袋槍
第一間我試過覺得幾正，而且去眼袋幾Work嘅療程就係Perfect Medical嘅i-Genius眼袋槍~其實Perfect Medical個名我都聽過好多年，但因為覺得佢地target都係啲貴婦級客人，我呢種行小資女路線嘅睇怕都負擔唔起，所以一直都冇去Perfect Medical到試試佢地嘅療程……
不過最近一年，我發現Perfect Medical好似轉咗路線，成日都會係Facebook開live，送啲療程嘅免費體驗名額出嚟，唔單止咁，想要試吓free trial嘅話，上佢地網站都有大把療程有得揀，加上有部分療程嘅價錢真係抵到令人唔信，有啲抵到一共10次療程都只係$1,888！
本身我都以為「邊有咁大隻蛤乸隨街跳」，通常呢啲美容療程嘅free trial十之八九都係呃人，或者上到去舖頭再氹你加錢upgrade，不過我試做完Perfect Medical嘅i-Genius眼袋槍免費體驗之後，就發現完全唔係我想像中個回事……
係Perfect Medical成個免費試做嘅過程都好順利，我完全冇被任何職員hard sell、黑面、迫買療程之類，由入去Perfect Medical開始，就會有職員好nice咁跟進你個progress~首先做一個皮膚分析，亦即係諮詢過程，大概會了解吓你有咩皮膚問題想改善，同埋你嘅皮膚問題主要由咩原因造成等等，同時都會分享吓平時可以點樣護膚，有咩小秘訣令對眼嘅肌膚冇咁容易乾之類，傾偈嘅過程都好舒服，唔會被人chur住，就好似平時同friend吹水一樣~
之後試做i-Genius眼袋槍嘅部分一樣都好舒服，瞓係張床到，就有Perfect Medical嘅治療師用部儀器係對眼到碌吓碌吓，部機會有少少發熱，碌到眼周皮膚都有暖暖地嘅感覺，加埋個儀器頭有少少按摩嘅功效，真係好舒服架！我做緊i-Genius眼袋槍個陣幾乎瞓著咗添！
後來隔咗幾日，眼底下有越嚟越firm嘅感覺，而且眼袋都淡咗，水腫問題改善咗，就算有一、兩日唔夠瞓，對眼都唔會好腫、好攰，我啲Friend話我睇落仲精神過之前呀！唔好以為Perfect Medical嘅i-Genius眼袋槍Keep得幾日貨仔，因為佢改善到對眼嘅血液循環，所以眼周皮膚會越嚟越Firm，到咗兩星期後，我仲覺得個效果好咗添！
知道大家睇完我講，都對Perfect Medical嘅i-Genius好有興趣，拿有好嘢唔好話我唔益大家，大家㩒下面條Link登記，就可以免費體驗一次Perfect Medical嘅i-Genius眼袋槍療程，而且試完覺得效果好，之後想join 10次i-Genius眼袋槍療程都只係$1,888咋！
有興趣嘅朋友就快啲去登記試吓啦！~
免費體驗 Perfect Medical i-Genius 眼袋槍
去眼袋療程二：Oasis Medical 膠原電眼槍
講完Perfect Medical嘅i-Genius眼袋槍，第二個想同大家推介嘅眼部treatment就係Oasis嘅膠原電眼槍，可能有好多朋友都有聽過Oasis，或者見過佢地嘅廣告，因為佢地搵咗容祖兒做代言人，之前仲係朗豪坊買咗好大版廣告版添！個廣告真係影得容祖兒幾Sharp架！
至於點解我會去Oasis做eye treatment？咁就係因為我個朋友都係佢地到做過其他療程，唔記得係打皮秒激光定HIFU啦，個朋友同我講，話Oasis做療程效果幾好，仲話療程會由醫生做，佢做落都覺得安心啲~不過面部treatment我就冇咩需要，如果要試嘅話，我都係想做眼多啲，所以我就去睇吓Oasis有冇咩eye treatment揀吓啦~
上Oasis個網站，見到佢地有個膠原電眼槍，而家真係好多美容院都有眼袋槍療程……花多眼亂，都唔知點揀好……Oasis嘅膠原電眼槍雖然冇好似Perfect Medical咁樣有得免費體驗，不過Oasis網站上面都有個體驗優惠，就係用$388試做一次，做完之後仲有面膜禮品送添！
我見到$388又唔算好費，加上又有禮物送，於是就去登記試試~Oasis呢個膠原電眼槍好似好勁咁架，唔單止眼袋、黑眼圈，連眼紋同眼皮鬆弛都可以改善得到！如果做完之後，真係一次過有咁好效果，又真係好抵喎！
去Oasis試做膠原電眼槍嘅過程其實就冇咩特別，我覺得同一般美容院就差唔多，部儀器機打落眼周個陣都有少少熱熱地，咁Oasis嘅治療師有同我解釋，膠原電眼槍係會將眼部膠原層嘅皮膚加熱，令到膠原蛋白更容易增生，就可以令眼周更加Firm同有彈性！
不過可以講一講，我做呢個膠原電眼槍，就唔係由醫生做嘅，可能因為唔係HIFU或者激光呢類比較高能量嘅儀器啦，所以Oasis方面都係安排一個普通嘅治療師幫我做膠原電眼槍，如果真係想由醫生落手做嘅話，就可能要搵吓有冇其他美容院有提供啦……
我做完Oasis嘅膠原電眼槍之後，即時會feel到對眼firm咗、皮膚緊咗，雖然做完之後，眼周皮膚有少少「冤冤」地嘅感覺，但大約過咗大半日就會消失……之後都會明顯覺得眼底漲卜卜，乾紋都少咗，化妝嘅時候都覺得啲粉底貼好多，唔會咁容易卡粉~不過呢，我覺得Oasis呢個膠原電眼槍對眼袋嘅功效就唔算太明顯，眼袋叫做冇咁腫，但就冇平伏眼紋嘅效果咁顯著囉……所以有興趣想試吓用Oasis膠原電眼槍去眼袋嘅朋友，就可能要認真諗一諗啦~
至於持久度方面，我覺得Oasis膠原電眼槍嘅表現都唔錯，大約都keep到兩個星期左右，普遍呢啲眼部療程都會要你2至3個禮拜返去美容院做一次，所以我覺得個效果同持久度都絕對合格嘅！
總結返Perfect Medical i-Genius眼袋槍，同埋Oasis膠原電眼槍，呢兩款療程我覺得對於定期保養眼部皮膚係幾好嘅，Perfect Medical i-Genius眼袋槍個緊緻同去眼袋效果都幾全面，而且持久度好好，做完之後係會睇得出有明顯分別~而Oasis嘅膠原電眼槍就去眼紋效果非常好，雖然做完之後眼周皮膚有少少攰嘅感覺，但過咗之後皮膚就會有漲卜卜嘅效果，減少咗化妝顯乾紋嘅問題~
無論係Perfect Medical i-Genius眼袋槍，定係Oasis膠原電眼槍，兩個療程都有免費體驗或者優惠價體驗，有興趣去試做嘅朋友可以上網登記返！
留言列表
