之前終於的起心肝、鼓起鼓氣去試左埋線減肥......
大家一諗起埋線減肥會諗到咩？我第一樣野諗到就係好痛！一定好痛！睇好多Forum既絲打去做過都話埋線好痛，痛到差啲死、又話痛到想打暈人.....我真係好驚，所以中醫埋線減肥從來都唔係我第一選項......我平時連打針抽血都驚、都絕對唔敢睇架......
不過我生完之後真係肥左勁多，我係順產既，好多人都話順產會瘦得快過剖腹，因為順產可以快過剖腹做運動，唔洗等個傷口埋就可以去做運動，呢個就係順產媽媽既優勢.....
不過順產媽媽既產後減肥好處完全唔關我事！因為我產後就好似荷爾蒙失調咁，肥左勁多！肥左成十幾Kg，對於我156cm身高黎講，我呢個體重真係完全接受唔到，雖然其他人睇未至於係個大肥婆，但上臂、肚腩同大脾都好勁，搞到我都唔敢著窄身衫同牛仔褲！
中醫話我氣虛濕滯又血瘀
好多絲打叫我節食同做運動，其實我絕對有試過，但個中醫話我氣虛濕滯又血瘀（點解好似所有產後媽媽都係呢種體質？）平時要有米氣、唔可以節食同唔好做咁激烈既運動，如果唔係就好易頭暈、失眠同氣虛無精神......即係又唔可以戒碳水、又唔可以節食又唔可以做HIIT…..
但我都係有堅持去慢跑......大概每晚一個鐘，每次跑完都有啲抖唔到氣、膝頭哥又好痛，冤住痛成晚，出汗出到連底褲都濕埋......之後夜晚就好難訓得著，基本有跑步個晚都訓唔著、日頭攰到死，問過中醫佢話係因為氣虛喎，佢話我做運動仲消耗氣血叫我停......
到最後我真係無曬乎，食左中藥同做減肥針灸好長時間，差唔多一磅都減唔到......
於是我就挑戰終極減肥方法——德仁堂埋線減肥
我去德仁堂之前都好鬼驚，有啲人就話只係痛幾秒、微痛（都唔知係咪打手），有啲人就話痛到差啲死喺張德仁堂床度......有啲人話做完都有輕幾磅、有啲人輕成5Kg，但都有人1磅都無瘦到......好似真係人人都唔同，要睇個中醫師傅手勢同自己體質？有啲人又話一定要配合節食同運動先有效果架，因為德仁堂埋線減肥只不過係輔助......有啲人話其實減磅唔係靠德仁堂埋線，係靠包藥粉去肚瀉......
但如果我係可以節食、運動同針灸減肥到，我就唔會去搞埋線減肥啦，你估我唔驚痛咩！
其實去德仁堂之前上網做左好多功課，去到之後德仁堂既Plan都係大同小異，不過其實佢地會睇你既身型去建議你做邊個位、洗唔洗做全身，都唔太洗自己諗，因為唔知自己埋線減肥work 唔 work所以都唔會一開始就挑戰埋紫線，如果埋完線好痛既話就pk，因為紫線要更加耐先溶曬......
講返先，其實德仁堂個流程都好簡單，就係去到德仁堂講明自己想做埋線減肥，然後就把下脈、等德仁堂醫師佢地推薦下Plan，全身大概5xxx-6xxx啦，多數都全埋肚腹、側腰同大脾、小腿位，好似唔係因為個度最肥，係因為個度有好多穴位，聽講減肚埋線之後會壓抑食慾架......
換左背心短褲就攤上床，全程驚到個心狂跳，個下真心覺得自己係肉隨坫板上，但已經無退路......其實德仁堂有兩個醫師一齊做，一路做就一路會問問題分散注意力，成個過程都係好快既.....我之前睇到有絲打話做到一半已經想逃......其實我埋線線數唔多，所以都接受到.....
一開始就埋肚腩位，可能因為我肚腩位多肉多脂肪，所以都唔係好痛，Feel到埋左入去係痺痺地......埋完肚腩4線就埋側腰.....痛到我呢，插入去個野痛到我氣都抖唔到，之後就狂標冷汗，而且插左入去之後勁痺勁勁痺......之後德仁堂醫師都有比我緩一緩抖抖氣先，其實個下已經開始後悔，因為之後仲要插大脾、背脊同小腿，我淨係諗都好想死......
但點難頂都要頂埋落去，插完兩邊側腰再插大脾內側......比抽血吉針痛N倍，我好似抖唔到氣、痛到頭都暈埋......真係咬緊牙關死頂，德仁堂醫師喺我背脊、小腿搽消毒藥水既時候我直情想喊出黎，眼都濕埋，全身上下都又痛又痺、成個人都勁痛苦......真係痛到X街，我痛到有啲想小便......
好多絲打話，埋針減肥點都唔會痛過生仔啦？唔係呀，生仔你無得揀一定要生出黎，生左就舒服，而家呢個係似「貼錢買難受」，埋入去個下最痛，然後埋左入去先係痺痛既開始，要等啲羊腸線慢慢溶、身體慢慢吸收，又瘀又盛......
我拎埋德仁堂藥粉就打的返屋企，真係唔覺得自己咁既狀態仲可以去行路搭巴士，勁痛勁痺。
之後5、6日，全部埋針位都出現瘀青，埋針個啲位都仲係扯住扯住痛，好似跑完步個種肌肉抽筋痛咁，雖然都可以接受，但瞓覺就淨係可以平躺唔可以側身，因為會壓到腰側個瘀青位，藥粉我都有沖黎定時定候食，然後就日日肚瀉，搞到我唔敢再飲咖啡......
我上網睇其他人既瘀青都好快散，而且按落去都唔痛，但我個啲就散得好慢，按落去都仲痛（不過就摸唔到支2cm羊腸線既形狀既，無咁恐怖)，搞到我行路瞓覺都要就住就住......我問左德仁堂個邊，佢地話啲埋線既吸收速度、瘀青幾時散其實都好睇個人新陳代謝下.....唔係個個都一樣，如果覺得個人新陳代謝差，或者可以試下做啲運動......
哦......我又要返工、煮飯同湊仔無時間做咩運動啦......
***
1個月之後最新update，做完埋線減肥，我都係1磅都無瘦到。
證明呢個德仁堂「24小時針灸」對我黎講唔work。
真係令我覺得「貼錢買難受」，而且都唔覺得食慾少左或者調理到身體囉，反而覺得吉完一大輪之後嚇到痛到個人仲虛，好似經歷左一場劫或者大病咁......而家啲瘀青都未完全散曬呀.......
有啲絲打同我一樣都係有肚痾，痾完就瘦左1磅，但食返野又肥返、磅數又上返去所以無真正減到，亦有啲絲打同我講話做1次無料到，要做2次或以上先有野睇到架......
不了。
太痛、真係痛到痴線！有啲人為左瘦咩都頂到，我覺得如果我真係瘦到都可能會考慮.....問題係真係一磅無瘦過！我覺得如果平時做減肥針灸唔work既人，都無謂徒錢去做呢個減肥埋線，呢個就係24小時無間斷去針灸你，刺激穴位......
自從放棄埋線，身體好返之後，我又再接再勵去搵另一啲醫美減肥，上網日日洗板個個PM（Perfect Medical）S6 溶脂減肥療程，其實即係熱光溶脂，我知道呢間野Perfect Medical 評價好壞參半，不過最後都係頂唔順自己太肥、個又鬆又垂既大肚腩，去左試，反正可以免費試......
其實都無咩大期待，純粹覺得可以免費試下都無壞，因為唔係入侵性架嘛、唔會痛！
估唔到做左一次S6 溶脂修形就有野睇到！
可能要我身體要run返起太強人所難，都唔係唔得，要比好多時間去push佢囉！結果比起針灸、埋羊腸線去調理整體身體、壓抑食慾，好靠自己身體好唔好、體質好影響效果，不如直接溶走脂肪同排走脂肪好過......
熱光溶脂個原理好簡單，就係用可以喺皮下脂肪層散發熱力既技術，好似低能量生物激光、超聲波、射頻等等，總之就將脂肪安全升到某個溫度，脂肪細胞膜就會溶，脂肪酸就會流出黎之後排走......個減肥效果出現得好快，聽講比冷凍溶脂好好多。
我試做完淨係覺得個肚腩深處熱熱地，無咩其他感覺，都覺得無料到.....但一星期之後沖完涼照鏡覺得個肚腩好似薄左，於是就度左一度，結果發現腰圍窄左2cm！其實真係三餐食量都差唔多，無食少左，諗黎諗去就係 S6 溶脂修形療程！
於是我就成為左回頭客，去買左10次（因為買10次都唔貴）希望做多幾次有更多野睇到，到時候再黎同各位想減肥既絲打報告Report！
大家睇住啲資料先：Perfect Medical S6 溶脂修形減肥療程
請先 登入 以發表留言。